Thursday, January 16, 2014

تعال يا صديقى

تعال يا صديقى ..


تعال ..
تعال فكّو ضيقى ..
ودفّق حنان الحكاوى القديمه
تعال بلّو ريقى ..!! 
تعال يا حبابك
وماتسدّو بابك
بجانب طريقى ..!!
تعال شان أقولّك
حبيبتك معايا
تجمّل غنايا
بنص من كلامك
لأنّك أظنّك
حبيبا المحَنّك .. 
وناصع ف ظنّك ..!!
تعال شان أقولّك 
حبيبتك معايا
بتحكيلى عنّك
تقول لّى هو دايما"
حبيبى ورفيقى
وكيف ما تهضلم 
معاى المشاعر
بجانب حبيبى بزيد فى بريقى ..!!

تعال يا صديقى
تعال فكّو ضيقى ..
ودفّق حنان الحكاوى القديمه


تعال بلّو ريقى ..!!!
مرسلة بواسطة في
التسميات:

1 comment:

Subscribe to: Post Comments (Atom)